PR Conf_SDPI_വര്‍ഗ്ഗീയ വിഭജന രാഷ്ട്രീയത്തിനെതിരെ സംസ്ഥാന വൈസ് പ്രസിഡന്റ് തുളസീധരന്‍ പള്ളിക്കല്‍ നയിക്കുന്ന എസ്.ഡി.പി.ഐ ബഹുജന്‍ മുന്നേറ്റ യാത്ര ; നാളെ ഉപ്പളയില്‍ ആരംഭിക്കും നവംബര്‍ 15 ബുധന്‍ 3.30 PM
SDPI
14 നവംബർ 2017
കേരളത്തില്‍ വര്‍ദ്ധിച്ചു വരുന്ന വര്‍ഗ്ഗീയ വിഭജന രാഷ്ട്രീയത്തിനെതിരെ എസ്.ഡി.പി.ഐ സംഘടിപ്പിക്കുന്ന ബഹുജന്‍ മുന്നേറ്റ യാത്രയുടെ വടക്കന്‍ മേഖല ഉദ്ഘാടനം 2017 നവംബര്‍ 15 ബുധനാഴ്ച 3.30 ന് പാര്‍ട്ടി ദേശീയ ജനറല്‍ സെക്രട്ടറി ഇല്യാസ് മുഹമ്മദ് തുമ്പൈ ഉപ്പളയില്‍ ഉദ്ഘാടനം ചെയ്യും.
രാജ്യത്ത് നടന്നുകൊണ്ടിരിക്കുന്ന വര്‍ഗ്ഗീയ-ജാതീയ വിവേചനങ്ങളും നീതി നിഷേധങ്ങളും ജനാധിപത്യ ഇന്ത്യയെ ദുര്‍ബലപ്പെടുത്തി കൊണ്ടിരിക്കുകയാണ്. സ്ഥാപിത താല്‍പ്പര്യങ്ങളും ഹിഡന്‍ അജണ്ടകളുമായി മുന്നോട്ടുപോകുന്ന സാമ്പ്രദായിക രാഷ്ട്രീയ പ്രസ്ഥാനങ്ങള്‍ സാധാരണക്കാരന്റെ പരിമിതമായ അവകാശങ്ങള്‍ പോലും സംരക്ഷിക്കുന്നതില്‍ പരാജയപ്പെടുന്നു. ന്യൂനപക്ഷ-ദലിത് വിഭാഗങ്ങളുടെ സംരക്ഷകരാണെന്ന സാമ്പ്രദായിക രാഷ്ട്രീയ പാര്‍ട്ടികളുടെ അവകാശവാദം പൊള്ളയാണ്. വോട്ടു രാഷ്ട്രീയം മാത്രം മുന്നില്‍ കണ്ട് വര്‍ഗ്ഗീയതയെ തരം പോലെ വിമര്‍ശിക്കുകയോ താലോലിക്കുകയോ ചെയ്യുന്ന അവസരവാദ രാഷ്ട്രീയമാണ് കേരളത്തിലെ ഇരു മുന്നണികളും തുടരുന്നത്. സംഘ്പരിവാരിനെ പ്രീതിപ്പെടുത്തുന്നതിന് പോലും മടിയില്ലാത്ത ഇവര്‍ എസ്.ഡി.പി.ഐ പോലുള്ള നവ രാഷ്ട്രീയ പ്രസ്ഥാനങ്ങളെ ജനമധ്യത്തില്‍ താറടിക്കാന്‍ കുപ്രചരണങ്ങള്‍ നടത്തുകയും എസ്.ഡി.പി.ഐ ക്ക് വോട്ടു ചെയ്യുന്നവരുടെ മേല്‍ വര്‍ഗ്ഗീയതയുടെ ചാപ്പയടിക്കുകയും ചെയ്യുന്നു. കേരളത്തിലെ ഇടത്, വലത് രാഷ്ട്രീയ മുന്നണികളുടെ ഈ കാപട്യത്തെയും വര്‍ഗ്ഗീയ വിഭജന രാഷ്ട്രീയത്തെയും തുറന്നുകാട്ടി മത നിരപേക്ഷത ഊട്ടിയുറപ്പിക്കുകയാണ് ബഹുജന്‍ മുന്നേറ്റ യാത്രയിലൂടെ എസ്.ഡി.പി.ഐ ലക്ഷ്യമിടുന്നത്.
ഉദ്ഘാടന പരിപാടിയില്‍ പാര്‍ട്ടി ദേശീയ സെക്രട്ടറിയേറ്റംഗം അഡ്വ. കെ.എം. അഷ്‌റഫ് അധ്യക്ഷത വഹിക്കും. സംസ്ഥാന ജനറല്‍ സെക്രട്ടറി അജ്മല്‍ ഇസ്മായില്‍, സെക്രട്ടറി പി.കെ ഉസ്മാന്‍, കര്‍ണ്ണാടക സംസ്ഥാന സെക്രട്ടറി അല്‍ഫോണ്‍സോ ഫ്രാങ്കോ, കര്‍ണ്ണാടക സംസ്ഥാന സമിതിയംഗം ഹനീഫ്ഖാന്‍ കൊടാജെ, കാസര്‍ഗോഡ് ജില്ലാ പ്രസിഡന്റ് എന്‍.യു അബ്ദുല്‍ സലാം, വിമണ്‍ ഇന്ത്യ മൂവ്‌മെന്റ് കേരള സംസ്ഥാന ട്രഷറര്‍ കെ.പി സുഫീറ തുടങ്ങിയവര്‍ സംബന്ധിക്കും.
പാര്‍ട്ടി സംസ്ഥാന വൈസ് പ്രസിഡന്റ് തുളസീധരന്‍ പള്ളിക്കല്‍ നയിക്കുന്ന വടക്കന്‍ മേഖല യാത്ര കാസര്‍ഗോഡ്, കണ്ണൂര്‍, കോഴിക്കോട്, വയനാട്, മലപ്പുറം, പാലക്കാട്, തൃശൂര്‍ എന്നീ ജില്ലകളിലും സംസ്ഥാന പ്രസിഡന്റ് അബ്ദുല്‍ മജീദ് ഫൈസി നയിക്കുന്ന തെക്കന്‍ മേഖല യാത്ര തിരുവനന്തപുരം, കൊല്ലം, പത്തനംതിട്ട, ഇടുക്കി, ആലപ്പുഴ, കോട്ടയം, എറണാകുളം ജില്ലകളിലും പര്യടനം നടത്തും. ഇരു യാത്രകളും നവംബര്‍ 24 ന് ആലപ്പുഴയില്‍ സമാപിക്കും.
ജാഥാ ടീം അംഗങ്ങള്‍: കെ.കെ അബ്ദുല്‍ ജബ്ബാര്‍, ഇ.എസ്. ഖാജാ ഹുസൈന്‍, അജ്മല്‍ ഇസ്മായീല്‍, പി. അബ്ദുല്‍ ഹമീദ് മാസ്റ്റര്‍, പി.കെ. ഉസ്മാന്‍, അഡ്വ. കെ.എം. അഷ്‌റഫ്, യഹ്‌യ തങ്ങള്‍, ജലീല്‍ നീലാമ്പ്ര, വി.ടി. ഇക്‌റാമുല്‍ ഹഖ്, പി.ആര്‍. കൃഷ്ണന്‍കുട്ടി, സി.പി.എ. ലത്തീഫ്.
വാര്‍ത്താസമ്മേളനത്തില്‍ പങ്കെടുക്കുന്നവര്‍ :
കെ.കെ അബ്ദുല്‍ ജബ്ബാര്‍ (ജാഥാ മാനേജര്‍, വടക്കന്‍ മേഖല: 9995733355)
എന്‍.യു അബ്ദുല്‍ സലാം (ജില്ലാ പ്രസിഡന്റ്, കാസര്‍ഗോഡ്)
ഖാദര്‍ അറഫ (ജില്ലാ സെക്രട്ടറി, കാസര്‍ഗോഡ്)