ദേവാലയങ്ങള്‍ക്കു നേരേയുണ്ടായ സംഘപരിവാര്‍ ആക്രമണം അപലപനീയം: എസ്.ഡി.പി.ഐ
SDPI
01 ഏപ്രില് 2018
കോഴിക്കോട് : ക്രൈസ്തവ ദേവാലയങ്ങള്‍ക്കും വിശ്വാസികള്‍ക്കും നേരേ കഴിഞ്ഞ ദിവസം നടന്ന സംഘപരിവാര അക്രമങ്ങള്‍ അപലപനീയമാണെന്ന് എസ്.ഡി.പി.ഐ സംസ്ഥാന സെക്രട്ടറി പി.കെ ഉസ്മാന്‍ പറഞ്ഞു. ക്രൈസ്തവര്‍ പവിത്രതയോടെ കാണുന്ന ഈസ്റ്റര്‍ ദിനത്തിലാണ് കാഞ്ഞാങ്ങാട്, ചാരുമൂട്, തൃശ്ശൂര്‍ എന്നിവിടങ്ങളില്‍ ദേവാലയങ്ങള്‍ക്കും വിശ്വാസികള്‍ക്കും നേരെ അക്രമമുണ്ടായത്. ഇന്നലെ തന്നെയാണ് തിരുവനന്തപുരത്ത് ഒരു കുടുംബത്തെ ട്രൈനില്‍ നിന്നും പിടിച്ചിറക്കി സംഘപരിവര്‍ പ്രവര്‍ത്തകര്‍ അക്രമിച്ചത്. കേരളത്തില്‍ വ്യാപകമായി മതന്യൂനപക്ഷങ്ങള്‍ക്കെതിരേ അക്രമം അഴിച്ചുവിട്ട് ഉത്തരേന്ത്യന്‍ മോഡല്‍ രാഷ്ട്രീയം പയറ്റാനാണ് ആര്‍.എസ്.എസ് ശ്രമിക്കുന്നത്. ഇത്തരം സംഭവികാസങ്ങള്‍ കേരളത്തില്‍ ആവര്‍ത്തിക്കാന്‍ കാരണം സമീപ കാലത്തുണ്ടായ ആര്‍.എസ്.എസ് അക്രമങ്ങളിലും കൊലപാതകങ്ങളിലും കൃത്യമായ നടപടിയെടുക്കാതെ കേരള സര്‍ക്കാര്‍ കാട്ടിയ മൃദുസമീപനമാണ്. ഈസ്റ്റര്‍ ദിനത്തില്‍ നടന്നിട്ടുള്ള ആക്രമങ്ങള്‍ക്കെതിരേ ശക്തമായ നടപടിയെടുക്കാന്‍ സര്‍ക്കാര്‍ ആര്‍ജ്ജവം കാണിക്കണമെന്നും മത ന്യൂനപക്ഷങ്ങള്‍ക്കെതിരെ നടന്നുകൊണ്ടിരിക്കുന്ന സംഘപരിവാര ആക്രമങ്ങള്‍ക്കെതിരേ പ്രതിരോധം തീര്‍ക്കാന്‍ പൊതു സമൂഹം രംഗത്തിറങ്ങണമെന്നും പി.കെ ഉസ്മാന്‍ വാര്‍ത്താകുറിപ്പിലൂടെ ആവശ്യപ്പെട്ടു.
