കെവിന്റെ കൊലപാതകം ഉത്തരവാദിത്തം മുഖ്യമന്ത്രിക്ക്: പി.അബ്ദുല്‍ മജീദ് ഫൈസി
SDPI
28 മെയ്‌ 2018
കോഴിക്കോട് : പ്രണയ വിവാഹത്തിന്റെ പേരില്‍ കെവിന്‍ കൊല ചെയ്യപ്പെടാനിടയായതിന്റെ ഉത്തരവാദിത്തം മുഖ്യമന്ത്രി പിണറായി വിജയന്‍ ഏറ്റെടുക്കേണ്ടതാണെന്ന് എസ്.ഡി.പി.ഐ സംസ്ഥാന പ്രസിഡന്റ് അബ്ദുല്‍ മജീദ് ഫൈസി പറഞ്ഞു. കെവിനെ തട്ടിക്കൊണ്ട് പോയവരെ കുറിച്ചും വാഹനത്തെ കുറിച്ചും കൃത്യമായ വിവരങ്ങളുണ്ടായിട്ടും അടിയന്തിര ഇടപെടല്‍ മാറ്റി വെച്ചത് മുഖ്യമന്ത്രിയുടെ പരിപാടിയുള്ളത് കൊണ്ടാണെന്ന് പോലീസ് വ്യക്തമാക്കിയ സ്ഥിതിക്ക് അതിന്റെ ധാര്‍മ്മിക ഉത്തരവാദിത്തത്തില്‍ നിന്ന് മുഖ്യമന്ത്രിക്കു ഒഴിഞ്ഞ് മാറാനാവില്ല. ചില പോലീസുകാരെ ബലിയാടാക്കി രക്ഷപ്പെടാവുന്ന സംഭവമല്ല ഇത്. മുഖ്യമന്ത്രിയുടെ കാരണത്താല്‍ മാത്രമാണ് ഒരു യുവാവിന്റെ ദാരുണ മരണം സംഭവിച്ചിട്ടുള്ളത്. മാനുഷിക ബോധം അല്‍പമെങ്കിലും അവശേഷിക്കുന്നു ണ്ടെങ്കില്‍ മുഖ്യമന്ത്രി ആഭ്യന്തര വകുപ്പ് ഒഴിയേണ്ടതാണെന്നും മജീദ് ഫൈസി പറഞ്ഞു.