വരാപ്പുഴ കസ്റ്റഡി മരണം: എ.വി ജോര്‍ജ്ജിനെ അറസ്റ്റ് ചെയ്യുക: എസ്.ഡി.പി.ഐ സെക്രട്ടേറിയറ്റ് ധര്‍ണ്ണ ഇന്ന് : (27-06-2018)
SDPI
26 ജൂണ്‍ 2018
തിരുവനന്തപുരം : വരാപ്പുഴയില്‍ ശ്രീജിത്തിനെ കസ്റ്റഡിയില്‍ മര്‍ദ്ദിച്ച് കൊലപ്പെടുത്തിയ കേസില്‍ വ്യക്തമായ പങ്കുള്ളതായി സംശയിക്കുന്ന ആലുവ മുന്‍ റൂറല്‍ എസ്.പി ഏ.വി ജോര്‍ജ്ജിനെ അറസ്റ്റ് ചെയ്യണമെന്നാവശ്യപ്പെട്ട് എസ്.ഡി.പി.ഐ സംസ്ഥാന കമ്മിറ്റി ഇന്ന് സെക്രട്ടേറിയറ്റിന് മുന്നില്‍ ധര്‍ണ നടത്തുമെന്ന് സംസ്ഥാന സെക്രട്ടറി മുസ്തഫ കൊമ്മേരി പറഞ്ഞു. രാവിലെ 10.30ന് ആരംഭിക്കുന്ന ധര്‍ണ സംസ്ഥാന വൈസ് പ്രസിഡന്റ് മുവാറ്റുപുഴ അഷറഫ് മൗലവി ധര്‍ണ ഉദ്ഘാടനം ചെയ്യും. ഏ.വി ജോര്‍ജ്ജ് നിയമ വിരുദ്ധമായി രൂപീകരിച്ച ആര്‍.ടി.എഫിലെ പോലീസ് ഉദ്യോഗസ്ഥര്‍ ശ്രീജിത്തിനെ അറസ്റ്റ് ചെയ്തത് എസ്.പിയുടെ അറിവോടെയായിരിക്കുമെന്ന് ഹൈകോടതി വരെ സംശയം പ്രകടിപ്പിച്ചിട്ടും ഏ.വി ജോര്‍ജ്ജിനെ പ്രതി ചേര്‍ക്കാന്‍ സര്‍ക്കാര്‍ മടിച്ചു നില്‍ക്കുന്നത് അദ്ദേഹത്തെ സംരക്ഷിക്കുന്നതിന് വേണ്ടിയാണ്. നിയമ വിരുദ്ധ പ്രവര്‍ത്തനം നടത്തുന്നവരുടെ സംരക്ഷകരായി സര്‍ക്കാര്‍ തംരം താഴ്ന്നുകൊണ്ടിരിക്കുകയാണ്. ശ്രീജിത്തിനെ അനധികൃതമായി കസ്റ്റഡിയില്‍ എടുത്തതിനെതിരേ എസ്.ഡി.പി.ഐ കോടതിയില്‍ ഹര്‍ജി നല്‍കിയിരിക്കുകയാണ്. ഏ.വി ജോര്‍ജ്ജിനെ സംരക്ഷിക്കാനുള്ള സര്‍ക്കാര്‍ നീക്കം ഉപേക്ഷിച്ച് ശക്തമായ നടപടി സ്വീകരിക്കാന്‍ സര്‍ക്കാര്‍ തയ്യാറാവണമെന്നും അദ്ദേഹം പറഞ്ഞു. ധര്‍ണയില്‍ സംസ്ഥാന ജനറല്‍ സെക്രട്ടറി റോയ് അറക്കല്‍, സംസ്ഥാന സെക്രട്ടറി കെ.എസ്.ഷാന്‍, സിയാദ് കണ്ടല, എ.്‌കെ സലാഹുദ്ദീന്‍, അന്‍സാരി ഏനാത്ത്, വി.എം ഫഹദ്, അഷറഫ് പ്രാവച്ചമ്പലം സംസാരിക്കും.