ആലുവ പോലീസിന്റെ നടപടി ജനാധിപത്യവിരുദ്ധം : മനോജ് കുമാര്‍
SDPI
06 ജൂലൈ 2018
ആലുവയില്‍ പ്രതിഷേധ പ്രകടനം നടത്തിയ എസ്.ഡി.പി.ഐ നേതാക്കളെയും നൂറുക്കണക്കിന് പ്രവര്‍ത്തകരെയും അറസ്റ്റ് ചെയ്ത് ജാമ്യമില്ലാ വകുപ്പ് ചുമത്തിയ പോലീസ് നടപടി ജനാധിപത്യത്തോടുള്ള വെല്ലുവിളിയാണെന്ന് എസ്.ഡി.പി.ഐ സംസ്ഥാന വൈസ് പ്രസിഡന്റ് എം.കെ മനോജ്കുമാര്‍ പ്രസ്താവനയില്‍ പറഞ്ഞു. പാര്‍ട്ടി ജില്ലാ ഭാരവാഹികളെ അന്യായമായി കസ്റ്റഡിയില്‍ വെക്കുന്നതിനെതിരെ പ്രതിഷേധിച്ച പാര്‍ട്ടി സംസ്ഥാന സെക്രട്ടറി പി ആര്‍ സിയാദ് അടക്കമുള്ളവരെയാണ് പോലീസിന്റെ കൃത്യനിര്‍വ്വഹണം തടസ്സപ്പെടുത്തിയെന്ന കള്ളക്കേസ് ചുമത്തി ജയിലിലടച്ചിരിക്കുന്നത്.
പോലീസിന് നേരെ അക്രമമോ മറ്റ് അനിഷ്ട സംഭവങ്ങളോ ആലുവയിലുണ്ടായിട്ടില്ല. ബോധപൂര്‍വ്വം പ്രശ്‌നങ്ങളുണ്ടാക്കാനാണ് പോലീസ് ശ്രമിക്കുന്നത്.
റൂറല്‍ എസ് പി യുടെ പ്രത്യേക താല്‍പ്പര്യവും വിരോധവും ഇതില്‍ പ്രകടമാണ്. എസ്പി രാഹുല്‍ ആര്‍ നായരുടെ വര്‍ഗ്ഗീയവും അന്യായവുമായ നിലപാടിനെ തുറന്നുകാണിച്ച് പാര്‍ട്ടി പ്രചരണം നടത്തും. ഭരണഘടനാ മൂല്യങ്ങളെയും ജനാധിപത്യാവകാശങ്ങളെയും മാനിക്കാത്ത ഉദ്യോഗസ്ഥന്മാര്‍ നാടിന് ശാപമാണ്.
കേസും ജയിലും കാണിച്ച് എസ്.ഡി.പി.ഐ പ്രവര്‍ത്തകരെ വിരട്ടാമെന്ന ചില ഉദ്യോഗസ്ഥരുടെ വ്യാമോഹം കേരളത്തില്‍ നടക്കാത്ത സ്വപ്‌നമാണെന്നും മനോജ് കുമാര്‍ പറഞ്ഞു.