എസ്.ഡി.പി.ഐ ദേശീയ നേതാക്കള്‍ക്ക് സ്വീകരണം ഒക്ടോബര്‍ 25 (5 PM) ന് തിരുവനന്തപുരം ഗാന്ധിപാര്‍ക്കില്‍
SDPI
23 ഒക്ടോബർ 2018
2018-2021 കാലയളവിലേക്ക് തിരഞ്ഞെടുക്കപ്പെട്ട എസ്.ഡി.പി.ഐ നേതാക്കള്‍ക്ക് 25-10-2018 വ്യാഴം വൈകീട്ട് 5 മണിക്ക് ഗാന്ധിപാര്‍ക്കില്‍ സ്വീകരണം നല്‍കുമെന്ന് സംസ്ഥാന ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. ദേശീയ പ്രസിഡന്റ് എം.കെ ഫൈസി, വൈസ് പ്രസിഡന്റുമാരായ അഡ്വ. ഷറഫുദ്ദീന്‍ അഹമ്മദ് (ഉത്തര്‍പ്രദേശ്), പ്രൊഫ. നസ്‌നീം ബീഗം (കര്‍ണ്ണാടക), ദഹലാന്‍ ബാഖവി തമിഴ്‌നാട്), ആര്‍.പി പാണ്ഡെ (ഡല്‍ഹി), ജനറല്‍ സെക്രട്ടറിമാരായ മുഹമ്മദ് ഷെഫി (രാജസ്ഥാന്‍), അബ്ദുല്‍ മജീദ് മൈസൂര്‍ (കര്‍ണ്ണാടക), ട്രഷറര്‍ അഡ്വ. സാജിദ് സിദ്ദീഖി (മധ്യപ്രദേശ്), സെക്രട്ടറിമാരായ അബ്ദുല്‍ വാരിസ് (ആധ്രാപ്രദേശ്), അല്‍ഫോന്‍സോ ഫ്രാങ്കോ (കര്‍ണ്ണാടക), ഡോ.മെഹബൂബ് ഷെരീഫ് ആവാദ് (കര്‍ണ്ണാടക), യാസ്മിന്‍ ഫാറൂഖി (രാജസ്ഥാന്‍), സീതാറാം കോയിവാല്‍ (ഡല്‍ഹി), ഡോ. തസ്‌ലീം അഹമ്മദ് റഹ്മാനി (ഡല്‍ഹി) എന്നിവര്‍ക്കാണ് സ്വീകരണം നല്‍കുന്നത്.
വൈകീട്ട് 4.30 ന് പാളയം രക്തസാക്ഷി മണ്ഡപത്തിനു സമീപത്ത് നിന്ന് സ്വീകരണ റാലിയോടെ നേതാക്കളെ ഗാന്ധിപാര്‍ക്കിലേക്ക് ആനയിക്കും. തുടര്‍ന്ന് സംസ്ഥാന പ്രസിഡന്റ് പി.അബ്ദുല്‍ മജീദ് ഫൈസിയുടെ അദ്ധ്യക്ഷതയില്‍ നടക്കുന്ന സ്വീകരണ സമ്മേളനത്തില്‍ വൈസ് പ്രസിഡന്റുമാരായ മൂവാറ്റുപുഴ അഷ്‌റഫ് മൗലവി, എം.കെ മനോജ്കുമാര്‍, കെ.കെ റൈഹാനത്ത് ടീച്ചര്‍, ജനറല്‍ സെക്രട്ടറിമാരായ പി.അബ്ദുല്‍ ഹമീദ് മാസ്റ്റര്‍, റോയി അറയ്ക്കല്‍, തുളസീധരന്‍ പള്ളിക്കല്‍, ട്രഷറര്‍ അജ്മല്‍ ഇസ്മായില്‍, സെക്രട്ടറിമാരായ കെ.കെ അബ്ദുല്‍ ജബ്ബാര്‍, കെ.എസ് ഷാന്‍, സെക്രട്ടറിയേറ്റംഗം പി.കെ ഉസ്മാന്‍, പി.പി മൊയ്തീന്‍കുഞ്ഞ്, ജില്ലാ പ്രസിഡന്റ് സിയാദ് കണ്ടല എന്നിവര്‍ പങ്കെടുക്കും.