മാധ്യമപ്രവര്‍ത്തകന്റെ അപകടമരണം: ശ്രീറാം വെങ്കിട്ടരാമനെതിരേ നടപടിയെടുക്കണം- എസ്ഡിപിഐ
SDPI
03 ഓഗസ്റ്റ്‌ 2019
കോഴിക്കോട് : യുവമാധ്യമ പ്രവര്‍ത്തകന്റെ അപകടമരണത്തിനുത്തരവാദിയായ ഐഎഎസ് ഓഫിസര്‍ ശ്രീറാം വെങ്കിട്ടരാമനെതിരേ അടിയന്തര നടപടിയെടുക്കണമെന്ന് എസ്ഡിപിഐ സംസ്ഥാന പ്രസിഡന്റ് പി അബ്ദുല്‍ മജീദ് ഫൈസി സര്‍ക്കാരിനോട് ആവശ്യപ്പെട്ടു. ഉന്നത ബ്യൂറോക്രാറ്റിന്റെ നിയമലംഘനത്തിലൂടെ ഒരു കുടുംബമാണ് അനാഥമായിരിക്കുന്നത്. ആ കുടുംബത്തിന് അര്‍ഹമായ നഷ്ടപരിഹാരം ഉടന്‍ നല്‍കണം. കുറ്റക്കാര്‍ സ്വാധീനമുള്ളവരാവുമ്പോള്‍ അവരെ രക്ഷിക്കാന്‍ പോലിസ് നടത്തുന്ന അമിതാവേശം അപകടകരമാണ്. അപകടം സംബന്ധിച്ച് കൃത്യവും സത്യസന്ധവുമായ അന്വേഷണം വേണമെന്നും മജീദ് ഫൈസി ആവശ്യപ്പെട്ടു.