SDPI
ഹെൽപ് ഡസ്ക് : +91 471 233 7547
ലോക്സഭാ തിരഞ്ഞെടുപ്പ് 2019

പ്രസ്സ് റിലീസ്

ഹോം » പ്രസ്സ് റിലീസ്

പ്രളയ സഹായ നിഷേധം മോദി സര്‍ക്കാറിന്റെ രാഷ്ട്രീയ പകപോക്കല്‍- എസ്ഡിപിഐ
SDPI
07 ജനുവരി 2020

കോഴിക്കോട്: പ്രളയനാശനഷ്ടത്തെ അതിജീവിക്കാന്‍ കേരളത്തിന് അര്‍ഹമായ സഹായം നിഷേധിക്കുന്ന മോദി സര്‍ക്കാര്‍ നിലപാട് രാഷ്ട്രീയ പകപോക്കലാണെന്ന് എസ്.ഡി.പി.ഐ സംസ്ഥാന പ്രസിഡന്റ് പി അബ്ദുല്‍ മജീദ് ഫൈസി. ഏഴ് സംസ്ഥാനങ്ങള്‍ക്ക് 5908 കോടി രൂപ അനുവദിച്ച ബി.ജെ.പി സര്‍ക്കാര്‍ കേരളം ആവശ്യപ്പെട്ട 2109 കോടിയില്‍ ഒരു രൂപ പോലും അനുവദിക്കാത്തത് സംസ്ഥാനത്തെ ജനങ്ങളോടുള്ള വെല്ലുവിളിയാണ്. ഈ വിവേചനം 2018 ലെ പ്രളയത്തിലും കണ്ടതാണ്. ഇത് ബി.ജെ.പിയുടെ പ്രതികാര നടപടിയാണ്. കേന്ദ്രസര്‍ക്കാര്‍ അനുവദിക്കുന്ന തുക ബി.ജെ.പിയുടെ പാര്‍ട്ടി ഫണ്ട് പോലെ കൈകാര്യം ചെയ്യുന്നത് ജനാധിപത്യ വിരുദ്ധമാണ്. കേരളത്തിലെ ജനങ്ങള്‍ക്ക് അര്‍ഹമായ ആനുകുല്യം പോലും നിഷേധിക്കുന്ന ബി.ജെ.പി യുടെ കേന്ദ്രമന്ത്രിമാരെ കേരളത്തില്‍ കാല് കുത്താന്‍ അനുവദിക്കരുത്്. ഭരണഘടനാ വിരുദ്ധമായ പൗരത്വ നിയമ ഭേദഗതിയെ ന്യായീകരിക്കാന്‍ വീടുകളിലെത്തുന്ന ബി.ജെ.പി നേതാക്കളെ കൊണ്ട് കേന്ദ്രത്തിന്റെ വിവേചനാപരമായ നിലപാടിനെതിരേ മറുപടി പറയിക്കണമെന്നും മജീദ് ഫൈസി വാര്‍ത്താസമ്മേളനത്തില്‍ പറഞ്ഞു. മുസ്തഫ കൊമ്മേരി (സംസ്ഥാന സെക്രട്ടറി), കൃഷ്ണന്‍ എരഞ്ഞിക്കല്‍ ( സംസ്ഥാന സമിതി അംഗം), മുസ്തഫ പാലേരി (ജില്ലാ പ്രസിഡന്റ്) എന്നിവര്‍ സംബന്ധിച്ചു.