പോലീസ് സേനയിലെ ആയുധ വെട്ടിപ്പ്: സി.ബി.ഐ അന്വേഷിക്കണം - എസ്.ഡി.പി.ഐ
KKP
13 ഫെബ്രുവരി 2020
ന്ന് 2015ല്‍ റിപോര്‍ട്ട് വന്നിരുന്നു. സംസ്ഥാനത്ത് ആര്‍.എസ്.എസ്സിന്റെ വക്താവായി മാറിയിരിക്കുന്ന ടിപി സെന്‍കുമാര്‍ ആയിരുന്നു അന്നത്തെ ഡി.ജി.പി. അതുകൊണ്ടുതന്നെ ആയുധ ശേഖരം അപ്രത്യക്ഷമായതിന്റെ ഗൗരവം വര്‍ധിക്കുന്നു. ഒറിജിനല്‍ കാര്‍ട്‌റിഡ്ജുകള്‍ എടുത്തുമാറ്റി പകരം ഡെമ്മികള്‍ വെച്ചിരിക്കുന്നതായാണ് കണ്ടെത്തിയിരുന്നത്. ഈ കേസ് അന്ന് ക്രൈംബ്രാഞ്ച് അന്വേഷണം പ്രഖ്യാപിച്ചെങ്കിലും പിന്നീട് വിവരമൊന്നുമില്ല. ഈ ആയുധ ശേഖരം എവിടെ പോയെന്ന് സമഗ്രാന്വേഷണം നടത്തണം. രാജ്യത്തു സംഘപരിവാര്‍ നടത്തിയ ഭീകരമായ നിരവധി സ്്‌ഫോടനങ്ങളില്‍ പ്രതിയായ കേണല്‍ പുരോഹിത് സൈന്യത്തില്‍ നിന്നുള്ള സ്‌ഫോടക വസ്തുക്കളാണ് ഉപയോഗിച്ചതെന്ന് അന്വേഷണസംഘം കണ്ടെത്തിയിരുന്നു. രാജ്യത്ത് സ്‌ഫോടനങ്ങള്‍ പദ്ധതിയിടുന്നതിനിടെ വന്‍ ആയുധശേഖരവുമായി കശ്മീര്‍ ഡി.വൈ.എസ്.പി ദേവേന്ദര്‍ സിങ് അടുത്തിടെ പിടിയിലായിരുന്നു. ഇതിന്റെ അന്വേഷണം എവിടെയെത്തിയെന്നത് പോലും അജ്ഞാതമാണ്. ആര്‍.എസ്.എസ് രാജ്യത്ത് സൈനിക സ്‌കൂള്‍ സ്ഥാപിക്കുമെന്ന് പ്രഖ്യാപിച്ചിരിക്കുകയാണ്. പൗരത്വ സംരക്ഷണ പ്രക്ഷോഭകരെ വെടിവെച്ചുകൊല്ലാന്‍ തോക്കുകളുമായി ആര്‍.എസ്.എസ് രംഗത്തുവന്നിരിക്കുകയാണ്. കൂടാതെ പോലീസില്‍ ആര്‍.എസ്.എസ് സെല്‍ പ്രവര്‍ത്തിക്കുന്നുണ്ടെന്ന് ബി.ജെ.പി നേതാക്കള്‍ തന്നെ വ്യക്തമാക്കിയിരുന്നു. മിനി പമ്പയെന്നു വിശേഷിപ്പിക്കുന്ന കുറ്റിപ്പുറം പാലത്തിനു സമീപം നിരവധി വെടിക്കോപ്പുകള്‍ കണ്ടെത്തിയ സംഭവം ഇതിനോട് കൂട്ടിവായിക്കണം. ഈ പശ്ചാത്തലത്തില്‍ പോലിസ് സേനയിലെ ആയുധ ശേഖരത്തില്‍ നടന്ന വെട്ടിപ്പ് ജനങ്ങളെ ഭയാശങ്കയിലാക്കുന്നു. പോലിസ് ആയുധ ശേഖരത്തില്‍ നിന്നു 12,601 വെടിയുണ്ടകളും 25 റൈഫിളുകളും കാണാനില്ലെന്നാണ് ഇന്നലെ സിഎജി വെളിപ്പെടുത്തിയത്്. നിലവിലെ ഡി.ജി.പിയും സംശയത്തിന്റെ നിഴലിലാണ്. രണ്ടു സീനിയര്‍ ഉദ്യോഗസ്ഥരെ മറികടന്നാണ് മുഖ്യമന്ത്രി പിണറായി വിജയന്‍ ബഹ്റയെ ഡി.ജി.പിയാക്കിയത്. പ്രധാനമന്ത്രിയെ ഡല്‍ഹിയില്‍ സന്ദര്‍ശിച്ച ശേഷം മുഖ്യമന്ത്രി തിരുവനന്തപുരത്തെത്തി ഒപ്പിട്ട ആദ്യഫയല്‍ ഇതായിരുന്നു. പിന്നീട് ഡി.ജി.പിയുടെ പ്രവര്‍ത്തനങ്ങളില്‍ നിസ്സഹായനായി നോക്കി നില്‍ക്കുകയായിരുന്നു മുഖ്യമന്ത്രി. സി.പി.എമ്മും ഇടതുമുന്നണിയും എതിര്‍ത്തിട്ടും സംസ്ഥാനത്ത് വ്യാപകമായി യു.എ.പി.എ ഉള്‍പ്പെടെയുള്ള ഭീകര നിയമങ്ങള്‍ അടിച്ചേല്‍പ്പിക്കുകയായിരുന്നെന്നും അദ്ദേഹം പറഞ്ഞു. ഡി.ജി.പി ലോക്നാഥ് ബഹ്റ വന്‍ അഴിമതി നടത്തിയതെന്ന കണ്ടെത്തലിന്റെ അടിസ്ഥാനത്തില്‍ ഡി.ജി.പിയെ തല്‍സ്ഥാനത്തുനിന്ന് മാറ്റി നിര്‍ത്തി അന്വേഷിക്കണം. പോലിസ് ക്വാര്ട്ടേഴ്സ് നിര്‍മിക്കുന്നതിനുള്ള തുകയില്‍ 3 കോടി രൂപ വകമാറ്റി ഡി.ജി.പി ലോക്നാഥ് ബെഹ്‌റ എസ്.പിമാര്‍ക്കും എ,ഡി.ജി.പിമാര്‍ക്കും വില്ലകള്‍ നിര്‍മിച്ചുവെന്നും സി.എ.ജി റിപോര്‍ട്ട് വ്യക്തമാക്കുന്നു. മാവോവാദികളെന്ന പേരില്‍ നിരവധി പേരെ വെടിവെച്ചു കൊല്ലുമ്പോഴും മവോയിസ്റ്റ് മേഖലയില്‍ തണ്ടര്‍ബോള്‍ട്ട് സേനാംഗങ്ങള്‍ക്ക് ക്വാര്ട്ടേഴ്സ് പണിയാന്‍ നല്‍കിയ തുകപോലും വകമാറ്റിയെന്നത് അതീവ ഗുരുതരമാണ്. ദേശീയ സുരക്ഷയെ ബാധിക്കുന്ന ആയുധ വെട്ടിപ്പ് സംഭവം സി.ബി.ഐ അന്വേഷിക്കണമെന്നാവശ്യപ്പെട്ട് എസ്.ഡി.പി.ഐ ഇന്ന് സംസ്ഥാന ആഭ്യന്തര മന്ത്രിയുടെ വസതിയിലേക്ക് മാര്‍ച്ച് നടത്തും. സംസ്ഥാന വ്യാപകമായി പ്രതിഷേധ റാലി നടത്തുമെന്നും ഭാരവാഹികള്‍ വ്യക്തമാക്കി.
വാര്‍ത്താസമ്മേളനത്തില്‍ സംസ്ഥാന ജനറല്‍ സെക്രട്ടറി റോയി അറയ്ക്കല്‍, സംസ്ഥാന സെക്രട്ടറിയേറ്റംഗം പി പി മൊയ്തീന്‍കുഞ്ഞ്, ജില്ലാ പ്രസിഡന്റ് ഷമീര്‍ മാഞ്ഞാലി സംബന്ധിച്ചു.
